bheruji bhajan (kalali)
भेरुं बिलमायो रे हाय कलाळी नथली म्ह डोलर हिंडो घाल कलाळी भैरुं बिलमायो रे .... कठै तो बुवा देउँ डोडा ऐ, हाय कलाळी कठै तो बुवा देउँ भुरड़ी भांग कलाळी!भैरुं बिलमायो रे(1) धोरा मांय बुवा देउँ डोडा ऐ... आंगणीय बुवा देउँ भुरड़ी भांग! कलाळी भैरुं बिलमायो रे(2) काहे से सींचा देउँ डोडा ऐ हाय कलाळी काहे से सींचा देउँ भूरड़ी भांग!हाय कलाळी भैरुं बिलमायो रे(3) पाणीड़े सींचा देउँ डोडा ऐ हाय कलाळी दूधड़ले सींचा देउँ भूरड़ी भांग... हाय कलाळी.....(4) काहे से नीनाणु डोडा ऐ हाय कलाळी काहे से नीनाणु भुरड़ी भांग कलाळी भैरुं बिलमायो रे....(5) कसिया नीनाणु डोडा ऐ हाय कलाळी आंगणीय नीनाणु भूरड़ी भांग !कलाळी भैरुं बिलमायो रे(6) कुण तो पीवैलो डोडा ऐ हाय कलाळी कुण तो पीवैलो भूरड़ी भांग! कलाळी ...भैरुं ....(7) शिवजी पीवैला डोडा ऐ हाय कलाळी सेवक पीवैला भूरड़ी भांग कलाळी भैरुं बिलमायो रे(8) आछौ बिलमायो रे ..हाय कलाळी नथली म्ह डोलर हिंडो घाल कलाळी भैरुं बिलमायो रे। ©पवनकुमार राजपुरोहित